04.07.2008 - 09:03

Góšar kvešjur og myndir

Melrakkasetrinu hafa borist góðar kveðjur frá ýmsu fólki sem hefur skoðað síðuna. Við þökkum góð viðbrögð.

Einnig hafa sumir sent myndir og verður reynt að setja þær inn jafnóðum og þær berast. Mælt er með því að myndirnar séu merktar með nafni myndatökumanns þannig að ekki verði ruglingur. Ómerktu myndirnar sem koma fram á myndasíðunum eru í eigu Melrakkaseturs Íslands og þess sem er skráður fyrir hverju albúmi. Þær má nota ef nafn höfundar kemur fram.

Nýjustu myndirnar eru frá Michel Delay en hann tók þær á Hornströndum í lok júní.

Endilega sendið myndir ef þið eigið, einnig er óskað eftir gömlum myndum af refum og yrðlingum sem aldir voru upp á heimilum en það var algengt á fyrrihluta síðustu aldar. Hægt er að senda bréf og myndir til Melrakkaseturs Íslands, Grundarstræti 3, 420 Súðavík eða í tölvupósti á melrakki@melrakki.is


28.06.2008 - 10:28

Opnun heimasķšu

kaka ķ tilefni opnunar heimasķšunnar - ala Amma Habbż
kaka ķ tilefni opnunar heimasķšunnar - ala Amma Habbż
« 1 af 4 »

Í dag er heimasíða melrakkasetursins loksins komin á netið, við óskum öllum til hamingju með það. Síðan mun verða fyrsti starfsvettvangur setursins þar til húsnæðið að Eyrardal í Súðavík kemst í gagnið og sýningin verður sett þar upp.

 

Þetta er líka í fyrsta sinn sem LOGO setursins er notað opinberlega en við erum afar ánægð með merkið og munum nota það í ýmsum formum við öll möguleg tækifæri. Hönnuður merkisins er Kári Jarl Kristinsson.

 

Fyrst um sinn verður eingöngu íslenska efnið virkjað en fljótlega munu svo erlendu tungumálin verða opin á veraldarvefnum.

 

Síðan verður seint eða aldrei fullkláruð og mun bætast inn á hana með tímanum. Mest munar þó um sögutengt efni og myndir af gömlum grenjaskyttum sem Valdimar Gíslason frá Mýrum við Dýrafjörð safnar saman.

 

Áberandi eru glæsilegar ljósmyndir frá Daníel Bergmann sem við fengum góðfúslega að láni á síðuna. Þær gefa síðunni lit og glæða hana lífi - við erum ákaflega þakklát fyrir lánið.

 

Allt efni, ábendingar og helst af öllu LJÓSMYNDIR eru vel þegnar frá öllum sem eitthvað eiga og vilja leyfa okkur að nota. Endilega hafið samband í gegnum vefform (sjá í valmyndinni til vinstri).

 

 

Vefumsjón